И последниот од петтемина осомничени за повеќекратното групно силување тинејџерка во Задар, Хватска, прексиноќа бил уапсен и приведен. Вчера, пак, Жупанискиот суд во Задар ја прифатил жалбата на обвинителството и на петтемина им определил едномесечен притвор.
Во врска со случајот, се крена голема врева во Хрватска, откако претходната седмица на осомничените за силување судот не им определи мерка притвор, туку ги пушти да се бранат од слобода.
Осомничените момчиња се на возраст од 17 до 19 години, а се товарат дека повеќе пати во текот на годинава силувале 15-годишно девојче, тоа го снимале и со снимките ја уценувале жртвата.